Amerikalik mashhur aktyor o‘z joniga qasd qildi

Amerikalik aktyor Jeyms Renson 46 yoshida o‘z joniga qasd qildi. Bu haqda New York Post nashri xabar berdi.

Ma’lum qilinishicha, fojeali hodisa juma kuni Los-Anjeles shahrida sodir bo‘lgan. Axborot Los-Anjeles okrugi sud-tibbiyot ekspertizasi ma’lumotlariga tayanib tarqatilgan.

Hozircha hodisaning sabablari rasman ochiqlanmagan. Aktyorning yaqinlari vakillari ham ushbu voqea bo‘yicha izoh bermagan.