Kutilayotgan premyera: Yulduz Usmonova "Layli" taronasini taqdim etadi

Xonanda Yulduz Usmonova Instagram sahifasi orqali muxlislariga navbatdagi yangi qo‘shig‘ini taqdim etishini ma’lum qildi. “Layli” deb nomlangan ushbu tarona 16 yanvar kuni soat 21:00 da premyera qilinadi.

San’atkorning mazkur e’loni muxlislar orasida katta qiziqish uyg‘otdi. Yangi qo‘shiq hozirdanoq tinglovchilar tomonidan intiqlik bilan kutilmoqda hamda ijtimoiy tarmoqlarda keng muhokamalarga sabab bo‘lmoqda. “Layli” Yulduz Usmonovaning repertuaridan yana bir yorqin va esda qolarli ijod namunasi bo‘lishi kutilmoqda.