Xonanda Ziyoda o‘g‘il farzandli bo‘ldi

Xonanda Ziyoda ikkinchi marta ona bo‘ldi. Bu haqda aktrisa Rayhon Ulasenova Instagram’dagi sahifasida tabriknoma qoldirgan.

“Yana bir o‘g‘il farzand muborak! Umri bilan bergan bo‘lsin!”, — deb yozgan Rayhon Ulasenova o‘z tabriknomasida.

Ma’lum bo‘lishicha, Ziyoda bugun, 11-mart kuni tongda Toshkentdagi 6-tug‘uruqxonada ikkinchi farzandini dunyoga keltirgan.

Ziyodaning to‘ng‘ich o‘g‘li ismi Kamron bo‘lib, u 2013-yil oktyabrida tug‘ilgan.