“Javohir istasa, Assubayevani kelin qilamiz” — Sindorovning buvisi fikr bildirdi
Kiprda bo‘lib o‘tayotgan Nomzodlar turniri davomida o‘zbekistonlik Javohir Sindorov hamda qozog‘istonlik Bibisora Assubayevaning o‘zaro munosabatlari ijtimoiy tarmoqlarda keng muhokamalarga sabab bo‘lmoqda. Ayniqsa, Bibisora tomonidan ijtimoiy tarmoqlarga joylanayotgan suratlar muxlislar o‘rtasida “ular shunchaki do‘stmi?” degan savollarni yanada kuchaytirdi.
Sindorovning buvisi ushbu vaziyatga munosabat bildirib, agar Javohir Bibisora bilan oila qurishni istasa, oila tomoni bunga qarshi emasligini ta’kidladi:
Hozirda har ikki shaxmatchi Kiprdagi nufuzli musobaqada ishtirok etmoqda. Javohir Sindorov turnir yakuniga bir tur qolganida g‘oliblikni amalda kafolatlab, jahon chempionligi uchun kurashish huquqini qo‘lga kiritdi. Bibisora Assubayeva esa o‘z guruhida 7,5 ochko bilan ikkinchi o‘rinni egallab turibdi va yakuniy turda g‘oliblik uchun imkoniyatini sinab ko‘radi.
Shaxmatchilar hozircha o‘z munosabatlari haqida rasmiy bayonot bermagan. Biroq ijtimoiy tarmoqlarda tarqalayotgan suratlar yosh grossmeysterlar bir-birini faol qo‘llab-quvvatlayotganini yaqqol ko‘rsatmoqda.
