Hojiakbar Haydarov tez kunda yangi musiqiy asarini taqdim etadi (Audio)

San’atkor bu gal o‘z yo‘nalishidan mutlaqo boshqacha talqinda bastakor Umidjon Mamadaliev bilan hamkorlikda “Biri sensan” deb nomlangan mahzun uslubda ijro etilgan tarona tayyorladi, deb yozadi Darakchi nashri.

Ushbu navo so‘zlarining asl mohiyatida oshiqning yurakdan chekkan nolalari bayon etilgan.

Hojiakbar Haydarov ushbu misralarni qalban his etib kuyladi va qo‘shiq uchun klipmeyker Abdulaziz Turg‘unov original voqealarga asoslangan videoklip tasvirga oldi.

Yaqin kunlarda Hojiakbar Haydarov yangi ijod namunasini muxlislariga taqdim etish arafasida.