Shahzoda Muhammedova Dilorom Omonullaevaga videomurojaat yo‘lladi (Video)

Aktrisa va dizayner Shahzoda Muhammedova O‘zbekiston davlat konservatoriyasi professori, bastakor Dilorom Omonullaevaga qarata yozgan haqoratli postini Instagram`dagi sahifasidan o‘chirib tashlagani va jahl ustida yozgan haqoratlari uchun uzr so‘rashini ma’lum qildi.

Eslatib o‘tamiz, bir muddat avval Shahzoda O‘zbekiston davlat konservatoriyasiga hujjat topshirish niyatida borgan va u erda professor Dilorom Omonullaeva bilan o‘rtalarida tushunmovchilik kelib chiqqani haqida Instagram`dagi sahifasida yozib, professorni yoshlarning san’atga bo‘lgan qiziqishini so‘ndirishda ayblagan edi.