Godzilla King Kongga qarshi chiqadi

Yaqinda “Yura davri dunyosi”ning uchinchi qismini suratga olish ishlari qachon boshlanishi ma’lum qilingan edi. Legendary studiyasi gigant mahluqlar bilan bog‘liq yana bir filmni suratga olishni rejalashtirmoqda, deya xabar berdi Darakchi nashri.

Yangi film “Godzilla Kongga qarshi” deb ataladi. Unda ulkan yashcher va gorillaning olishuvini ko‘rish mumkin bo‘ladi. Suratga olish ishlari 1 oktyabrda Jorjiya shtatida boshlanadi.

Film 2020 yili katta ekranlarga chiqariladi. Ungacha esa “Godzilla: monstrlar qiroli”ni tomosha qilish mumkin.