Buxoroda suratga olinayotgan "SCORPION" filmidan fotolavhalar

O‘zbekiston yoshlar ittifoqi, «O‘zbekkino» Milliy agentligi, O‘zbekiston Respublikasi Ichki ishlar vazirligi, O‘zbekiston milliy teleradiokompaniyasi va Kinematografiyani rivojlantirish markazi tomonidan imzolangan qo‘shma qaror asosida Scorpion trilleri suratga olinayotgani haqida avval xabar qilingandi. UZ24 filmni suratga olish jarayonlari aks etgan suratlar bilan bo‘lishdi.

Mazkur filmda bugungi kunning dolzarb muammosi – xalqaro jinoyatchilik mavzusiga yoshlar nigohi bilan qaraladi. Film ijodiy va texnik jamoasini O‘zbekiston, Rossiya, AQSh va Germaniya mutaxassislari tashkil etadi. Filmning suratga olish ishlari Toshkent shahri va Buxoro viloyatlari, shuningdek, Rossiya hamda Marokash davlatlari hududlarida bo‘lib o‘tadi.

Filmda «Osiyo» serialidagi Demir roli bilan o‘zbek tomoshabinlariga yaxshi tanish bo‘lgan mashhur turk aktyori Murat Yildirim suratga tushadi.

Foto: UZ24

Foto: UZ24

Film bosh qahramonlaridan biri (aka roli)ni Farhod Mahmudov ijro etadi. Ikkinchi bosh qahramon (uka roli) ijrochisi hozircha sir tutilmoqda.

Foto: UZ24

Foto: UZ24
Shuningdek, filmda Karim Mirhodiyev, Ra’no Shodiyeva ham suratga tushmoqda.

Foto: UZ24
Scorpion filmining suratga olish ishlari ayni kunlarda Buxoro viloyatida davom etmoqda.