Manzura turmushga chiqqanini rad etdi: “Toʻyim qachon boʻladi, Xudo biladi!” (video)

“Manzura turmushga chiqdi”, degan gap-soʻzlar tarqalganida koʻpchilik hayratlandi. Toʻy haqida birorta xabar eshitmay, dabdurustdan bunday mish-mish tarqalgani qiziq holat, albatta.

Gap shundaki, Manzura Instagram sahifasida joylashtirilgan surati ostiga bu haqida yozib qoldirgan edi. Lekin xonanda buni rad etib, turmushga chiqmaganiga ishora qildi.

“Toʻyim boʻlsa, taklifnoma beraman. Balki, toʻyim keyingi erada boʻlar, buni Xudo biladi”, deya kulib javob berdi Manzura intervyularning birida.