Xivada “Raqs sehri” xalqaro festivali oʻtkaziladi (foto)

Oʻziga xos milliy raqs sanʼatimizni dunyoga keng targʻib qilish va “ART” turizmini yanada rivojlantirish maqsadida har yili anʼanaviy tarzda “Raqs sehri” xalqaro festivali tashkil etib kelinmoqda.

Xorazm viloyati Turizmni rivojlantirish departamenti matbuot xizmatidan maʼlum qilishlaricha joriy yilning 14-16 sentyabr kunlari Xiva shahri “Ichan qalʼa” davlat muzey-qoʻriqxonasi hududida xalqaro anjuman yana oʻtkaziladi.
Unda xorijiy davlatlardan hamda yurtimizning turli nuqtalaridan sanʼatkorlar oʻzlarining badiiy chiqishlari bilan ishtirok etadi.