Nargiza Abdullayeva: “Xoʻjayinlarim menga xiyonat qilishadi…”

“Charxpalak” serialida Buvijon rolini ijro etgan Nargiza Abdullayeva “youtube” kanalida tarqalgan intervyusida jurnalistning “Nega sizga faqat qiynalgan ayollar rolini berishadi?” degan savoliga kulib, quyidagicha javob berdi:

— Bilmadim, negadir koʻpchilik menga hayotda qiynalgan, ezilgan ayollar rolini berishadi. Xoʻjayinlarim menga xiyonat qilishadi, yana boshqa narsa… Rejissyorlardan soʻrasam, “Sening koʻzlaring, maʼyusliging shunga tortadi-da” deyishadi.

Eslatib oʻtamiz, Nargiza Abdullayeva intervyularida qiynalgan ayollarga eʼtibor qaratish lozimligini, mehr berish zarurligini juda koʻp taʼkidlagan.