Rossiya Superkubogi. "Zenit" o‘z maydonida "Spartak"ni tor-mor keltirdi

\"Zenit\" va \"Spartak\" jamoalari o‘rtasidagi Rossiya Superkubogi uchun bellashuv nihoyasiga yetdi. Unda mezbonlar 4:0 hisobida zafar quchdi.

Dastlab, Ivan Sergeyev shedevr goli bilan hisobni ochdi, uning zarbasidan so‘ng to‘p darvozaning yuqori burchagidan joy oldi. Shundan keyin Malkom, Vendel hamda Mateo Kasserra o‘z ismini tabloga yozdirib qo‘ydi.

Shu tariqa, mamlakatning amaldagi chempioni \"Zenit\" Superkubokka ham ega chiqdi. Moskvaliklar futbolchisi Oston O‘runov mazkur bahs qaydnomasiga kiritilmadi.

Zenit – Spartak 4:0
Gollar: 1:0 – 29 Sergeyev, 2:0 – 34 Malkom, 3:0 – 46 Vendel, 4:0 – 90 Kasserra.
Zenit – Odoyevskiy, Chistyakov, Alip, Duglas Santos (Yeroxin, 86), Kuzyayev, Barrios, Vendel (Krugovoy, 77), Sutormin (Bakayev, 69), Klaudino, Malkom (Mostovoy, 77), Sergeyev (Kasserra, 69).
Spartak – Selixov, Djikiya, Chernov (Rasskazov, 76), Ribus, Denisov, Zobnin (Prutsev, 76), Umyarov, Ignatov (Zinkovskiy, 46), Xlusevich (Litvinov, 61), Promes, Sobolev (Nikolson, 60).
Ogohlantirish: Chernov (57), Nikolson (88), Barrios (89).