"Nasaf" Abdixoliqov va Umarov harakat qiladigan jamoani mag‘lub etdi

Turkiyaning Antaliya shahrida o‘quv-yig‘in mashg‘ulotlarini o‘tkazayotgan \"Nasaf\" navbatdagi bahsda maydonga tushdi. Unda \"ajdarlar\"ga Qozog‘istonning \"Ordabasi\" klubi qarshilik ko‘rsatdi. Ushbu bellashuvda vakillarimiz kichik 1:0 hisobida g‘alaba qozondi.

Bellashuvda yagona gol Husain Norchayev hisobiga qayd etildi. Ushbu gol o‘yin taqdirini hal qildi.

Bundan oldingi bahsda hamyurtlarimiz Ukrainaning \"Minay\" jamoasi bilan 0:0 hisobida nursiz durang o‘ynagandi.

Ma’lumot o‘rnida, \"Ordabasi\" safida hamyurtlarimiz Bobir Abdxoliqov va Shahboz Umarov harakat qiladi.