Medallar jamg‘arish bo‘yicha kim nechanchi o‘rinni egalladi?
Toshkentdagi \"Humo arena\"da boks bo‘yicha erkaklar o‘rtasidagi jahon chempionati yakunlandi.
Finalga chiqqan hamyurtlarimiz o‘z chiqishlarini yakunladi. Hasanboy Do‘smatov (-51 kg), Abdumalik Xalokov (-57 kg), Ruslan Abdullayev (-63,5 kg), Asadxo‘ja Mo‘ydinxo‘jayev (-67 kg), Bahodir Jalolov (+92 kg) oltinga ega chiqdi. Oybek Jo‘rayev (-54 kg), Saidjamshid Jafarov (-71 kg) kumush medal bilan kifoyalandi. Yarim finallarda imkoniyatni boy bergan A’loxon Abdullayev (-75 kg) hamda Lazizbek Mullojonov (-92 kg) bronza medallarni qo‘lga kiritdi.
Shu tariqa, O‘zbekiston terma jamoasi medallar jamg‘arish bo‘yicha birinchi o‘rinni egalladi.
Vakillarimizdan so‘ng umumjamoa hisobida Qozog‘iston (4 ta oltin, 1 ta kumush) ikkinchi bo‘ldi. Kuchli uchlikka esa Rossiya (2 ta oltin, 4 ta bronza) yakun yasadi. Shuningdek, Kuba va Fransiya terma jamoalari ham Toshkentni oltin medal bilan tark etadigan bo‘lishdi.
Mavzuga oid yangiliklar
Maʼlumot Mehmon guruhidagi foydalanuvchilar ushbu maqolaga izoh qoldira olmaydi.
