Bahodir Jalolovning prof boksda navbatdagi raqibi va jang sanasi ma’lum bo‘ldi

Prof boksda super og‘ir vazn toifasida O‘zbekiston sharafini himoya qilayotgan Bahodir Jalolov (13-0)ning navbatdagi raqibi va jang sanasi ma’lum qilindi.

Unga ko‘ra, Bahodir 17 noyabr kuni Lift Promotions tomonidan Toshkentda tashkil etiladigan boks oqshomida Janubiy Afrika vakili Kris Tompson(12-5-1)ga qarshi ringga ko‘tariladi.

Ma’lumot o‘rnida, mazkur boks kechasi \"Humo Arena\"da o‘tkaziladi.

Eslatib o‘tamiz, Jalolov prof boksdagi oxirgi jangini shu yilning 23 avgustida o‘tkazib, unda nigeriyalik Onoriode Everiyemeni nokautga uchratgan edi.