UFC 299. Dastin Pore esa Benua Sen-Denini nokautga uchratdi va boshqa natijalar

^{Foto: Getty Images}
AQSHning Florida shtatida Toshkent vaqti bilan 10 mart tongida UFC 299 turniri bo‘lib o‘tdi.

Turnirning asosiy jangi Shon O‘Melli hamda Marlon Vera o‘rtasida kechdi. Dastlabki 3 ta raundda Shon har tomonlama ustunlik qildi. Biroq, 4-raundda Vera ozgina ustunlik qilgan bo‘lsa-da, raund so‘ngida O‘Melli yana faollikni qaytarib oldi. 5-raundda ham raqibiga imkoniyat qoldirmagan O‘Melli minimal vaznda chempionlik jangini o‘ziniki qildi.

Shuningdek, yana bir asosiy jangda Dastin Pore 2-raundda Benua Sen-Denini nokautga uchratdi.

Maykl Peyj hakamlar qaroriga ko‘ra Kevin Holland ustidan g‘alaba qozondi. Pyotr Yan esa Son Yadonni mag‘lub etdi.

Asosiy kard natijalari:
- Shon O‘Melli (18-1) ochkolar evaziga Marlon Verani (23-9-1) mag‘lub etib, kamarini himoya qildi.
- Dastin Pore (30-8) 2-raundda Benua Sen-Denini (13-2) nokautga uchratdi;
- Maykl Peyj (22-2) Kevin Hollandni (25-11) hakamlar qaroriga ko‘ra mag‘lub etdi;
- Jek Della Maddalena (17-2) Gilbert Bernsni (22-7) 3-raundda texnik nokautga uchratdi;
- Pyotr Yan (17-5) ochkolari evaziga Son Yadon (21-8-1) ustidan g‘alaba qozondi;
- Kyortis Bleyds (18-4) Jailton Almeydani (20-3) 2-raundda texnik nokautga uchratdi;
- Mateush Gamrot (24-2) va Rafael dos Anyos (32-16) jangida Gamrot hakamlar qaroriga ko‘ra g‘olib deb topildi.