Nodirbek Abdusattorov Ruminiyadagi turnirda qancha ishlab topgani ma’lum bo‘ldi

Shaxmat bo‘yicha Ruminiya poytaxti Buxarest shahrida o‘tkazilgan Grand Chess Tour seriyasiga kiruvchi Superbet Chess Classic Romania turniri o‘z yakuniga yetdi.

^{Foto: Chessbase}
Mazkur turnirda Nodirbek Abdusattorov (2766) ham ishtirok etdi. Uchrashuvlarning 8 tasida durang va bir mag‘lubiyat qayd etgan O‘zbekistonning birinchi raqamli shaxmatchisi yakunda 9-o‘rinni egalladi hamda tashkilotchilar tomonidan taqdim etilgan 14500 AQSH dollari miqdoridagi mukofot pulini qo‘lga kiritdi.

^Chessbase
Musobaqa chempioni Fabiano Karuana 68750 AQSH dollariga ega bo‘ldi. Undan keyingi o‘rinda bir xil ochko qayd etgan uch nafar shaxmatchi — fransiyalik Alirezo Firuzja, hindistonlik Dommaraju Gukesh va Rameshbabu Pragnanandhaning har biriga 58750 AQSH dollari miqdoridagi pul mukofoti taqdim etildi.

Ma’lumot uchun, FIDE\'ning iyun oyida yangilangan reytingida Nodirbek Abdusattorov 6-o‘rinda qayd etildi.