O‘zbekistonlik para yengil atletikachilar oltin va bronza medalni qo‘lga kiritdi

Fransiyaning Parij shahrida Paralimpiya bahslarining para yengil atletika sport turi bo‘yicha bahslar bo‘lib o‘tmoqda.

^{Foto: Paralympic}
Erkaklar o‘rtasida F37 klassida yadro uloqtirish dasturida final bahslari o‘z nihoyasiga yetdi.

Ushbu yo‘nalishda oltin va bronza medallarni ikki nafar o‘zbekistonlik sportchi — Qudratullaxon Ma’rufxo‘jayev hamda Tolibboy Yo‘ldoshev qo‘lga kiritdi.

^{Foto: Paralympic}
Qudratullaxon Ma’rufxo‘jayev 16.37 metr natija bilan chempionlikni tantana qilgan bo‘lsa, 15.24 metr natija qayd etgan Tolibboy Yo‘ldoshev bronza medalga sazovor bo‘ldi.