Neymar burchak zarbasidan gol urdi va 2ta assist qildi (video)

«Santos» chempionatning navbatdagi turida «Inter Limeyra»ga qarshi bahs olib bordi. Uchrashuvda mehmonlar 3:0 hisobida gʻalaba qozondi.

Ushbu bahsda Neymar asosiy tarkibda maydonga tushdi. U 27-daqiqada burchak zarbasidan raqib darvozasini ishgʻol qildi.

Shuningdek, birinchi boʻlimning oʻzida yana ikkita golga assist qayd etdi.

Neymar «Santos»ga qaytganidan beri jami 6 ta uchrashuvda maydonga tushdi. Uning hisobida hozir 2 ta gol va 3 ta golli uzatma bor.