Asror Aliqulov: "Raqibda 65-70 daqiqalardan so‘ng bo‘shliqlar paydo bo‘lishini kutgandik"

Superliga 6-tur doirasidagi \"Sho‘rtan\" — \"Mash’al\" (0:1) o‘yinidan so‘ng muborakliklar bosh murabbiyi Asror Aliqulov matbuot anjumanida ishtirok etdi.

O‘yin haqida
— Birinchidan, bu Superliganing 6-tur o‘yini, ikkinchidan derbi edi. \"Sho‘rtan\" anchadan beri bilamiz, ushbu jamoa pressing qilishni yaxshi ko‘radi va biz bunga tayyorlangandik. Raqibda 65-70 daqiqalardan so‘ng bo‘shliqlar paydo bo‘lishini kutgandik va shu sabab ayrim o‘yinchilarimizni zaxira o‘rindig‘iga qo‘ygandik. O‘yin so‘nggida birinchi goldan so‘ng yanada aqlliroq o‘ynaganimizda ikkinchisini ham kiritishimiz mumkin edi.

— Doston To‘xtaboyev so‘nggi paytlarda ko‘rinmayapti.
— U mavsum boshida raqobatda yutib chiqqani uchun harakat qilgandi. Ammo, so‘nggi o‘yinlarda yirik mag‘lubiyat qabul qilib oldik. Uni qo‘llab-quvvatlaymiz. Hozirda Umid Hamroyevga ishonch bildiryapmiz, ikkalasi ham bizning futbolchilar. Qaysi biri tayyor bo‘lsa, o‘shani maydonga tushiramiz.

— Zaxira bo‘yicha qilingan o‘zgarishlar o‘zini oqladi deb o‘ylaysizmi?
— Ha, raqib 65-70 daqiqada pressingda o‘ynaganidan keyin bo‘shliqlar bo‘lishini bilgan holda tezroq va abjirroq o‘yinchilarimizni zaxirada qoldirgandik.

— Faoliyatingizda asosan \"Sho‘rtan\" va \"Mash’al\" o‘tkazgansiz. Ammo, eng ko‘p \"Sho‘rtan\"ni mag‘lub etgansiz. Bu raqibni bilishingizni anglatadimi yoki \"Mash’al\" kuchlimi?
— Ayniqsa, raqibning yarim himoya chizig‘i yaxshi o‘ynadi. To‘p bilan muamoalar qilishi va texnik jihatlari yaxshi.