Xoland APLdagi eng sust startni qayd etdi

\"Manchester Siti\" forvardi Erling Xoland haqida qiziqarli ma’lumot e’lon qilindi.

25 yoshli norvegiyalik hujumchi joriy mavsum Angliya premer-ligasining dastlabki 4 o‘yinida 5 ta gol urdi. Bu natija uning APLdagi eng yomon boshlanishi hisoblanmoqda.

Avvalgi mavsumlarda Erling yuqori ko‘rsatkichlarga erishgan — 2022/23 va 2023/24 yilgi chempionatlarda ilk 4 turda 6 tadan gol kiritgan, 2024/25 mavsumda esa shu davrda 9 marta raqib darvozasini ishg‘ol etgan edi.

\"Shaharliklar\"ning keyingi uchrashuvi 21 sentyabr kuni \"Arsenal\"ga qarshi bo‘lib o‘tadi. Bellashuv Toshkent vaqti bilan soat 20:30 da boshlanadi.