Ronaldu dubl qayd etdi, "Al-Nasr" "Al-Riyad"ni yanchdi

“Al-Awwal Park” stadionida Saudiya Arabistoni chempionati 3-turida “Al-Nasr” jamoasi “Al-Riyad”ni 5:1 hisobida mag‘lub etdi, deb Kursiv.media xabar berdi. Krishtianu Ronaldu jamoasi o‘yin davomida to‘liq ustunlikni namoyish etdi.

6-daqiqada Felish hisobni ochdi, 30-daqiqada Koman farqni ikki barobarga oshirdi. 33-daqiqada Ronaldu pastga aniq zarba berib, 3-golni kiritdi.

Ikkinchi bo‘limda Ronaldu golli uzatma berdi va Felish dubl qayd etdi. 51-daqiqada Silla hisobni qisqartirdi, ammo 76-daqiqada Ronaldu yana gol urib, yakuniy natijani o‘rnatdi — 5:1.

Jorje Jezush boshchiligidagi jamoa kuchli o‘yin ko‘rsatib, turnir jadvalida yuqoriga ko‘tarildi. Ronaldu yana bir bor asosiy qahramonga aylandi.