Sobiq "Real" hujumchisi qamoqdagi hayoti haqida soʻzladi

Madridning "Real" klubi sobiq hujumchisi Robinyo qamoqdagi hayoti haqida soʻzlab berdi. Futbolchi toʻqqiz yil qamoq jazosiga hukm qilingan.

"Menda hech qanday imtiyozlar yoʻq. Tashriflar faqat dam olish kunlari boʻlib oʻtadi.

Meni xotinim koʻrgani keladi. Baʼzan u bolalar bilan ham keladi.

Qamoqxonada tashriflar boʻyicha barcha uchun teng munosabat mavjud. Mening kun tartibim va ovqatlanishim boshqa mahkumlarnikidan farq qilmaydi.

Men bu yerda hech qanday obroʻga ega shaxs emasman", — deydi braziliyalik futbolchi Mirror nashriga bergan intervyusida. Robinyo "Santos" klubining sobiq shogirdi hisoblanadi.

U Yevropada "Milan", "Real" va "Manchester Siti" klublari safida oʻynagan. Braziliya terma jamoasi safida u 100 ta oʻyin oʻtkazib, 29 ta gol urgan.