“Yuventus” afsonasi yosh “Inter” hujumchisi Espozitoni maqtadi

Turinning \"Yuventus\" jamoasi sobiq futbolchisi Alessio Takkinardi Milan \"Inter\" hujumchisi Pio Espozito haqida o\'z fikrlarini bildirdi. Yosh futbolchi o\'z jamoasining \"Fiorentina\"ga qarshi uchrashuvida, \"Inter\"ning 3:0 hisobidagi yirik g\'alabasida yaxshi o\'yin namoyish etdi.

\"U menga yoqadi, ammo shuni ta\'kidlash kerakki, unga omad ham kulib boqmoqda – u kuchli jamoada, kuchli atrofdagilar bilan birga o\'ynayapti. U yaxshi xususiyatlarga ega, kamtarin, kurashuvchan va maydonda raqiblarga qarshi jasorat bilan o\'ynaydi.

Ammo men uni boshqa jamoalarda ham ko\'rishni xohlardim\", – dedi Takkinardi derbyderbyderby.it nashriga bergan intervyusida. Ayni paytda \"Inter\" Italiya chempionati turnir jadvalida ikkinchi o\'rinni egallab turibdi.