Slot Virts va Bredlining jarohati haqida gapirdi

“Liverpul” bosh murabbiyi Arne Slot himoyachi Konor Bredli va hujumkor yarim himoyachi Florian Virtsning jarohatlari yuzasidan izoh berdi. “Har ikkisi mushak jarohatiga uchradi.

Konorning yaqin 22 kun ichida maydonga tushishini kutmayapman, faqat moʻjiza roʻy bersagina bu mumkin. Balki bu muddat oxiriga kelib qaytishi mumkin.

Florian esa tiklanish jarayoniga qarab maydonga qaytadi, ammo bu juda uzoq davom etmasligi kerak. Frimpong esa ikki-uch haftaga safdan chiqdi”, — dedi Slot matbuot anjumanida.

Shanba, 22-noyabr kuni “Liverpul” oʻz maydonida “Nottingem Forest”ga qarshi oʻyin oʻtkazadi. 11-turdan soʻng mersisaydliklar Premyer-liga turnir jadvalida sakkizinchi oʻrinda joylashgan.