Liverpulning Slot bo'yicha qarori ma'lum

Liverpuldagi inqiroz davom etmoqda: Angliya chempionlari shanba kuni Premer-liga doirasidagi o'yinda o'z maydonida Nottingem Forestga 0:3 hisobida yirik mag'lubiyatga uchradi. Muxlislar va mutaxassislar orasida bosh murabbiyni almashtirish haqidagi gap-so'zlar kuchaymoqda.

Biroq, Arne Slotning yaqin orada iste'foga chiqarilishi ehtimoldan yiroq. Indykaila News xabariga ko'ra, Liverpul rahbariyati gollandiyalik mutaxassisga to'liq ishonch bildirmoqda.

Klub egalari unga vaziyatni o'nglash uchun 2026 yil boshigacha vaqt berishga tayyor. Liverpul rahbariyati Slotning imkoniyatlariga shubha qilmaydi va u jamoani yana muvaffaqiyatga yetaklay oladi deb ishonmoqda.

Eslatib o'tamiz, Slot o'z lavozimini o'tgan mavsum boshidan buyon egallab kelmoqda.