Frattezining "Yuventus"ga o‘tishi bo‘yicha muzokaralar qiyinlashdi

Avvalroq Davide Frattezi va Turinning "Yuventus" klubi o‘rtasida o‘zaro qiziqish borligi haqida xabar bergandik. Biroq dcinter1908.it Sky Sports’ga tayanib yozishicha, muzokaralar kutilganidek silliq kechmayapti.

Manbaga ko‘ra, yanvar oyidayoq darhol transfer bo‘lishini kutish qiyin. Shuningdek, bir muddat muhokama qilingan Kerfen Tyuramga almashish varianti ham endi dolzarbligini yo‘qotgan.

Turin klubi murabbiyi Luchano Spalletti Frattezini qo‘lga kiritish istagida qat’iy turibdi, ammo "Yuventus" Milan klubini rostdan ham qiziqtira oladigan taklifni shakllantira olmayapti.