Xabi Alonso yanvar transferlarini so'radi Real javob berdi

Madridning “Real” klubi bosh murabbiy Xabi Alonsoning yanvar oyidagi transferlar bo‘yicha iltimoslarini hozircha bajarish niyatida emas. Bu haqda euro-football.ru xabar beradi.

ESPN xabariga ko‘ra, Alonso qishki transfer oynasida tarkibga bir nechta yangi futbolchi qo‘shilishini istamoqda. Biroq klub rahbariyati ayrim pozitsiyalar kuchaytirilishi kerakligini tan olsa-da, favqulodda zarurat bo‘lmasa, qishda futbolchi sotib olmaslik strategiyasidan chekinmoqchi emas.

18 turdan so‘ng “Real” La Liga jadvalida 42 ochko bilan ikkinchi o‘rinda bormoqda va yetakchi “Barselona”dan to‘rt ochko ortda qolgan. 4 yanvar kuni Xabi Alonso jamoasi o‘z maydonida “Betis”ni qabul qiladi.