Lyuka Zidan Afrika kubogida o'ynash sharaf ekanini aytdi

Afsonaviy futbolchi Zinedin Zidanning o'g'li Lyuka Afrika Millatlar kubogidagi ishtiroki haqida fikr bildirdi. Bu haqda euro-football.ru xabar beradi.

Darvozabon sifatida u ushbu turnirda Jazoir terma jamoasi safida maydonga tushmoqda. Zidanning jamoasi ilk uchrashuvda Sudanni 3:0 hisobida mag'lub etdi.

«Biz Burkina-Fasoga qarshi o'yinga tayyorgarlik ko'ryapmiz. Mashg'ulot yaxshi o'tdi, raqib ham kuchli jamoa ekanini bilamiz. Men uchun Afrika kubogida o'ynash katta sharaf», — deya Lyuka Zidanning so'zlarini keltiradi RMC Sport.

Hozirda Jazoir o'z guruhida peshqadam. Burkina-Fasoga qarshi bahs bugun, 28 dekabr kuni 22:30 da (Toshkent vaqti bilan) start oladi.