Ikkinchi Bundesliga to'purari Yunus Ebnutalib Ayntaraxtga o'tadi

22 yoshli hujumchi Yunus Ebnutalib Frankfurtning «Ayntaraxt» jamoasiga qo'shiladi. Klub bu haqda rasmiy sayti orqali ma'lum qildi. Bu haqda euro-football.ru xabar beradi.

Transfer 2026 yil 1 yanvardan kuchga kiradi. Tomonlar 2031 yil yozigacha mo'ljallangan shartnoma imzoladi. Boshqa manbalarga ko'ra, Ikkinchi Bundesliganing joriy mavsumidagi eng sermahsul futbolchisi bo'lgan Ebnutalib uchun tovon puli bonuslarsiz 8 million yevroni tashkil etadi.

Marokash ildizlariga ega futbolchi «Elfersberg» safida 19 uchrashuvda 12 bor raqib darvozasini ishg'ol qildi. Uning hissasi bilan jamoa turnir jadvalida ikkinchi o'rinda bormoqda va peshqadam «Shalke»dan 4 ochko ortda qolmoqda.