"Paxtakor" Turkiyadagi yig‘inda qaysi klublar bilan o‘ynashi ma’lum bo‘ldi
«Paxtakor» klubi matbuot xizmati Turkiyaning Antaliya shahrida o‘tkaziladigan birinchi xorijiy yig‘inda jamoaning 3 ta nazorat bahsini o‘tkazishini ma’lum qildi. Bunga ko‘ra, 17-30 yanvar kunlari bo‘lib o‘tadigan yig‘inda jamoa Shimoliy Makedoniyaning «Struga», Kosovoning «Prishtina» va Bolgariyaning «Botev» jamoalari bilan maydonga tushadi.
Klubning xabarida aytilishicha, «Struga» jamoasi hozirda Shimoliy Makedoniya chempionatida 2-o‘rinda bormoqda va 2 mavsum oldin ular mamlakat chempionligini qo‘lga kiritgan. «Prishtina» jamoasi ham o‘z chempionatining birinchi davrini vitse-chempion sifatida yakunladi. «Botev» esa Bolgariya chempionatining 11-o‘rnida turibdi.
Har bir o‘yin «Paxtakor» uchun muhim qadam bo‘lib, yangi mavsumga tayyorgarlik jarayonida jamoa qo‘lga kiritishi kerak bo‘lgan natijalardan biri hisoblanadi.
