Xabi Alonso La Ligada Barselona bilan poyga haqida gapirdi
Madridning «Real» jamoasi bosh murabbiyi Xabi Alonso La Ligadagi chempionlik poygasi va «Barselona» bilan raqobat haqida fikr bildirdi. Bu haqda euro-football.ru xabar beradi.
Yakshanba kuni «qaymoqranglilar» «Betis»ni 5:1 hisobida tor-mor etib, turnir jadvalida «Barselona»dan ortda qolayotgan farqni yana 4 ochkogacha qisqartirdi. Bir kun avval esa kataloniyaliklar «Espanol»ni 2:0 hisobida mag‘lub etgandi.
«Kecha “Barselona” g‘alaba qozondi, biz esa hali ko‘p o‘yinlarda yutishimiz kerak. Hozir bizda 45 ochko bor, maqsadimiz — 90 ochkoga yetish. Oldindagi uchrashuvlarga qarab, juda keskin kurash bo‘lishi ko‘rinib turibdi», — dedi Alonso matbuot anjumanida.
8-yanvar kuni «Real» Ispaniya Superkubogi ikkinchi yarim finalida «Atletiko»ga qarshi maydonga tushadi. Ilk finalchi 7-yanvar kuni «Barselona» — «Atletik» (Bilbao) bahsida aniqlanadi.
