Djikiya vakili Antalyasporni tark etish gaplariga munosabat bildirdi

Himoyachi Georgiy Djikiyaning vakili Vladimir Kuzmyichyov futbolchining «Antalyaspor»dan ketishi mumkinligi haqidagi xabarlarga izoh berdi. Bu haqda euro-football.ru xabar beradi.

Kuzmyichyovning aytishicha, u tarqalgan “insayd”ga jiddiy munosabat bildirmagan, chunki ayrim manbalar “bosilish ko‘rsatkichini oshirish uchun uydirmalarni yozadi”.

Vakildan Djikiya faoliyatini Turkiyada davom ettirishni rejalashtirmoqdami, degan savol ham berildi. «Hozircha Georgiyni hammasi qoniqtiryapti. U jamoada ham, umumiy muhitda ham o‘zini qulay his qilyapti. Georgiy tomonidan klubni tark etish istagi aniq bo‘lmagan», — deya Kuzmyichyovning so‘zlarini keltiradi «Match TV».

Shuningdek, 32 yoshli futbolchining vakili klub tomonidan ham ehtimoliy transfer bo‘yicha hech qanday signal bo‘lmaganini ta’kidladi.