Slutskij boshqaruvidagi Shanghai Shenhua yana maglub bo'ldi

Leonid Slutskij boshqaruvidagi «Shanghai Shenhua» Osiyo Chempionlar ligasida navbatdagi o'yinda ham ochkosiz qoldi. Umumiy bosqichning 6-turida jamoa safarda «Hiroshima»ga 0:1 hisobida yutqazdi. Bu haqda euro-football.ru xabar beradi.

Uchrashuvdagi yagona gol 78-daqiqada urildi — mezbonlar himoyachisi Hayato Araki hal qiluvchi zarbani amalga oshirdi. Shu tariqa Xitoy klubi turnirdagi ketma-ket uchinchi maglubiyatini qabul qildi.

Olti turdan so'ng 4 ochko jamg'argan Slutskij jamoasi jadvalda 11-o'rinda bormoqda. «Hiroshima» esa 11 ochko bilan kuchli uchlikdan joy olgan.