Slutskiy jamoasi Osiyo Chempionlar ligasida yana yutqazdi

Leonid Slutskiy boshqaruvidagi “Shanxay Shenxua” Osiyo Chempionlar ligasining umumiy bosqichi 6-turida navbatdagi mag‘lubiyatni qabul qilib oldi. Xitoy klubi safarda Yaponiyaning “Sanfretchche Xirosima” jamoasiga 0:1 hisobida imkoniyatni boy berdi. Bu haqda euro-football.ru xabar beradi.

Uchrashuv taqdirini 78-daqiqada mezbonlar himoyachisi Hayato Araki hal qildi. Bu natija “Shanxay Shenxua” uchun turnirdagi ketma-ket uchinchi mag‘lubiyat bo‘ldi.

Olti turdan keyin Slutskiy shogirdlari 4 ochko bilan jadvalda 11-o‘rinda bormoqda. “Xirosima” esa 11 ochko jamg‘argan holda uchinchi pog‘onadan joy oldi.