Al-Nasr Sadio Mane bilan kelajak masalasini hal qildi

Hujumchi Sadio Mane yaqin vaqt ichida «Al-Nasr»ni tark etishi ehtimoli yuqori. Bu haqda euro-football.ru xabar beradi.

365Scores Arabia xabariga ko'ra, Saudiya klubi senegallik futbolchiga yangi shartnoma taklif qilmaslikka qaror qilgan. Mane bilan amaldagi kelishuv 2027 yil 30 iyungacha mo'ljallangan.

Mane 2023 yilda «Bavariya»dan «Al-Nasr» safiga 30 million yevro evaziga ko'chib o'tgan. Joriy mavsumda u barcha musobaqalarda 17 o'yinda maydonga tushib, 6 ta gol urdi va 6 ta golli uzatma berdi. Transfermarkt portali hujumchini 7 million yevroga baholamoqda.

Ayni paytda «Al-Nasr» Saudiya Arabistoni chempionati turnir jadvalida 37 ochko bilan uchinchi o'rinni egallab turibdi.