Eduard Mor hozirning o'zida «Oltin to'p»ni Pedriga berardi
Moskvaning «Spartak» klubi sobiq himoyachisi Eduard Mor hozirgi paytda «Oltin to'p»ga kim eng munosib ekanini aytdi. Bu haqda euro-football.ru xabar beradi.
Uning fikricha, «Barselona» yarim himoyachisi Pedri kataloniyaliklar o'yinida hal qiluvchi rol o'ynayapti va jamoa natijasi ko'p jihatdan aynan unga bog'liq.
«U maydonda bo'lsa — bu butunlay boshqa o'yin. Ayni paytda u dunyoning eng yaxshi futbolchisi. Hozirning o'zida men «Oltin to'p»ni unga bergan bo'lardim, chunki o'yinga ta'siri juda katta», — dedi Mor «Match TV» efirida.
Mor Pedridan keyingi o'rinlarga Kilian Mbappe va Lamin Yamalni qo'ydi, biroq yakunda 23 yoshli ispan futbolchisini birinchi o'ringa loyiq ko'rdi.
2025/2026 yilgi mavsumda Pedri 25 ta uchrashuvda maydonga tushib, 2 ta gol urdi va 8 ta golli uzatmani amalga oshirdi. Hozir u jarohat sabab safdan chiqqan, qaytishi mart oyi boshidan oldin kutilmayapti.
