Timur Juravel MYUning Arsenal ustidan gʻalabasini yuqori baholadi
Kommentator Timur Juravel APLning 23-turi doirasida «Manchester Yunayted»ning Londonda «Arsenal»ni magʻlub etganiga munosabat bildirdi. Bu haqda euro-football.ru xabar beradi.
Eslatib oʻtamiz, «Emireyts»dagi bahsda mehmonlar 3:2 hisobida gʻalaba qozondi.
«MYUni tabriklash kerak: tor fikrli qaysarlik oʻrnini sogʻlom mantiq egalladi. «Manchester Yunayted» chiroyli va uslubli tarzda yutdi», — deb yozdi Juravel oʻzining Telegram kanalida.
Jurnalist mankunianlar asosiy tarkibida Ruben Amorim davrida deyarli imkon olmagan futbolchilar maydonga tushganini alohida qayd etdi. Shu bilan birga, u ayrim vaziyatlarda «MYU» himoyada haddan tashqari chuqur oʻtirib qolganini, bu esa «Emireyts»ga keladigan APL autsayderlariga xos uslub ekanini ham tan oldi.
Soʻnggi ikki turda Maykl Karrik boshqaruvidagi «Manchester Yunayted» ketma-ket «Manchester Siti» va «Arsenal»ni yengdi. Bu ikki jamoa ayni paytda turnir jadvalida mos ravishda ikkinchi va birinchi oʻrinlarda bormoqda.
