Kenan Yildiz Ronaldu va Del Pyero natijasini takrorladi

Kenan Yildiz “Yuventus”ning “Napoli” darvozasiga kiritgan uch golidan biriga mualliflik qildi. Uchrashuv 3:0 hisobida yakunlanib, Luciano Spalletti boshchiligidagi jamoa yirik g‘alabani qo‘lga kiritdi. Bu haqda euro-football.ru xabar beradi.

Opta ma’lumotiga ko‘ra, 20 yoshli turk hujumchisi uch ochko tizimi joriy etilgan davrda A Seriyasining bir mavsumida “Napoli”ga qarshi o‘tkazilgan ikkala o‘yinda ham “Yuventus” safida gol urgan atigi beshinchi futbolchiga aylandi. Avvalroq bu natijani Krishtianu Ronaldu (2019/20), Alessandro Del Pyero (2000/01), Darko Kovachevich (2000/01) va Fabricio Ravanelli (1994/95) qayd etgan.

Joriy mavsumda Yildiz Italiya chempionatida jami sakkizta gol urdi, shuningdek, jamoadoshlariga to‘rt bor golli uzatma ham berdi.