Spalletti Yuventus yulduzi Yildizni inoplanetalik deb atadi

"Yuventus" bosh murabbiyi Luchano Spalletti yana bir bor hujumchi Kenan Yildizning o'yinidan qoyil qolganini aytdi. Bu haqda euro-football.ru xabar beradi.

20 yoshli futbolchi A Seriyaning 22-turi doirasida "Napoli"ga qarshi bahsda (3:0) jamoasining yirik g'alabasiga hissa qo'shib, gol ham urdi.

Spallettining ta'kidlashicha, Yildiz oddiy futbolchi emas: u "inoplanetalik"dek ko'rinadi, ba'zan esa ataylab xato qilgandek bo'lib, o'zini oddiy inson sifatida ko'rsatishga urinadi.

Turkiyalik yosh yulduz joriy A Seriya mavsumida 21 o'yinda 8 ta gol urdi va 4 ta golli uzatma berdi.

Hozirda "Yuventus" 42 ochko bilan turnir jadvalida beshinchi, "Napoli" esa 43 ochko bilan to'rtinchi o'rinda bormoqda.