Djikiya agenti Antalyaspor himoyachisi kelajagi haqida gapirdi

«Antalyaspor» futbolchisi Georgiy Djikiyaning agenti Vladimir Kuzmichyov rossiyalik himoyachining klubdagi istiqboli borasida fikr bildirdi. Bu haqda euro-football.ru xabar beradi.

Agentning aytishicha, Djikiyaning holati yaxshi va jamoa unga ishonmoqda. So‘nggi uchrashuvlarda maydonga tushmagani esa mikrojaraohat bilan bog‘liq bo‘lgan. Futbolchi hozir tiklanib bo‘lgan va Kuzmichyovning fikricha, u keyingi o‘yinda yana maydonda ko‘rinishi mumkin.

Avvalroq OAVda turk klubi «Spartak»ning sobiq sardori bilan xayrlashishni istayotgani haqida xabarlar tarqalgandi.

Djikiyaning Turkiya chempionatidagi joriy mavsumdagi hisobida 12 ta o‘yin va 2 ta gol bor. Uning «Antalyaspor» bilan amaldagi shartnomasi 2027 yilning o‘rtalarigacha mo‘ljallangan.