Yuventus Spallettiga 2028 yilgacha yangi shartnoma taklif qilmoqchi

Turinning «Yuventus» klubi bosh murabbiy Luchano Spalletti bilan hamkorlikni uzaytirish masalasini ko'rib chiqmoqda. Bu haqda euro-football.ru xabar beradi.

La Gazzetta dello Sport xabariga ko'ra, klub mutaxassisga 2028 yil yozigacha mo'ljallangan yangi bitim taklif qilmoqchi. Biroq Spalletti shoshilmayapti: u rahbariyatdan murabbiy istagan futbolchilarni olib berish bo'yicha aniq kafolatlar kutmoqda.

Spalletti «Yuventus»ni 2025 yil oktyabr oxirida qabul qilib olgan. Uning amaldagi shartnomasi 2026 yil 30 iyungacha amal qiladi. Hozirda turinliklar A Seriya jadvalida 22 turdan so'ng 42 ochko bilan 5-o'rinda bormoqda va peshqadam «Inter»dan 10 ochkoga ortda qolgan.