Slutskiy jamoasi Osiyo Chempionlar Ligasida yana yutqazdi

Leonid Slutskiy boshqaruvidagi «Shanxay Shenxua» Osiyo Chempionlar Ligasining umumiy bosqichi 6-turida safarda «Xirosima»ga 0:1 hisobida imkoniyatni boy berdi va yana ochkosiz qoldi. Bu haqda euro-football.ru xabar beradi.

Uchrashuv taqdirini 78-daqiqada yaponlar hal qildi: himoyachi Hayato Araki aniq zarba bilan g'alaba golini urdi. Bu mag'lubiyat xitoy klubi uchun turnirdagi ketma-ket uchinchi yutqazish bo'ldi.

Oltita turdan keyin «Shanxay Shenxua» 4 ochko bilan jadvalda 11-o'rinda bormoqda. «Xirosima» esa 11 ochko jamg'arib, uchinchi pog'onani egallab turibdi.