Napoli Sterling transferi nega amalga oshmasligini tushuntirdi

“Napoli” sport direktori Jovanni Manna ingliz vingeri Rahim Sterling borasidagi gap-so‘zlarga munosabat bildirdi. Bu haqda euro-football.ru xabar beradi.

31 yoshli futbolchi yaqinda erkin agentga aylandi: uning “Chelsi” bilan shartnomasi bekor qilingan. Sterlingga da’vogarlar orasida “Napoli” ham tilga olingandi, biroq neapolliklar kelishuv ehtimolini deyarli yo‘qqa chiqardi.

“Rahim juda kuchli futbolchi, lekin u ancha vaqtdan beri o‘ynamayapti. Yozda u bilan muzokara qilganmiz, ammo hozir uni tarkibga qo‘shish qiyin, chunki uning moliyaviy talablari juda yuqori”, — dedi Manna Sky Sport’ga bergan intervyusida “Chelsi”ga qarshi Chempionlar ligasi uchrashuvi oldidan.

Uchrashuvning matnli translyatsiyasi LiveResult.ru saytida yoritib borilmoqda.