Aleksandr Gleb Arsenalning Chempionlar ligasida gʻalabasini istaydi
Belaruslik sobiq futbolchi Aleksandr Gleb, avval “Arsenal” safida toʻp surgan, londonliklarning joriy Chempionlar ligasidagi imkoniyatlari haqida fikr bildirdi. Bu haqda euro-football.ru xabar beradi.
Gleb “kanonirlar” umumiy bosqichni juda yuqori saviyada oʻtkazganini tan oldi. Biroq uning aytishicha, hozircha musobaqaning yagona yaqqol favoriti haqida gapirish qiyin.
“Hammasi 1/8 final ishtirokchilari toʻliq aniqlangach, yanada ravshanlashadi. Lekin, albatta, sobiq klubim Chempionlar ligasini yutsa yoki hech boʻlmaganda finalgacha yetsa, men xursand boʻlaman”, — dedi Gleb “RB Sport” nashriga.
Shuningdek, u finalda himoyaga qamalib qolmaydigan, hujumkor futbol namoyish etadigan ikki jamoani koʻrishni xohlashini qoʻshimcha qildi.
“Arsenal” Chempionlar ligasining umumiy bosqichini birinchi oʻrinda yakunlab, sakkiz uchrashuvning barchasida gʻalaba qozondi. “Kanonirlar” turnirning yangi formatida buni birinchi boʻlib uddalagan klubga aylandi.
