Udineze kolumbiyalik vinger Xuan Arisalani safiga qo'shib oldi

Italiyaning "Udineze" klubi tarkibini kuchaytirganini e'lon qildi. Jamoaga 20 yoshli kolumbiyalik vinger Xuan Arisala qo'shildi. Bu haqda euro-football.ru xabar beradi.

Arisala bungacha Medelinning "Independyente" klubida to'p surib, uch yil davomida 3 ta gol muallifiga aylangan. O'tgan yildan beri u Kolumbiya yoshlar terma jamoasiga ham jalb etib kelinmoqda.

Futbolchining aytishicha, boshqa variantlar bo'lsa-da, u "Udineze"ni tanlagan: bu yerda u taniydigan kolumbiyalik futbolchilar ham o'ynagan. Arisala aynan shu klubda o'z o'yinini yanada rivojlantirishiga ishonmoqda.

Hozirda "Udineze" A Seriyada 9-o'rinni egallab turibdi.