Kostil Shevale ko'proq istiqbolli Safonov esa elita emas
«Lill»ning sobiq darvozaboni Benua Kostil «PSJ» posbonlari Matvey Safonov va Lyuka Shevale haqida fikr bildirdi. Bu haqda euro-football.ru xabar beradi.
Uning aytishicha, Safonov chiziqda juda kuchli, biroq hozircha texnik jihatlarda barqarorlik yetishmaydi. Kostil darvozabonning havodagi kurashlarda muammolari borligini ham qayd etdi, shu bilan birga u yuqori to'plarda raqiblarga qarshi doim faol chiqishga intilishini ta'kidladi.
Ekspert Safonovni dunyoning eng zo'r darvozabonlari qatoriga kiritmasligini ochiq aytdi.
«Men Shevaleda ko'proq potensial ko'ryapman, Safonov esa eng yaxshilardan ancha uzoq», — dedi Kostil.
Joriy mavsumda Safonov barcha turnirlarda 6 o'yinda maydonga tushib, 5 gol o'tkazdi va 2 uchrashuvda darvozasini daxlsiz saqlab qoldi.
Shevalening hisobida esa 26 o'yin, 28 o'tkazib yuborilgan gol va 10 ta «quruq» uchrashuv bor.
