Andronov Bavariya Hoffenhaymni yirik hisobda yutishini kutmoqda
Germaniya Bundesligasining 21-turidagi markaziy uchrashuvda Myunxenning «Bavariya» jamoasi «Hoffenhaym»ni qabul qiladi. O‘yin haqida futbol sharhlovchisi Aleksey Andronov o‘z fikrlarini bildirdi. Bu haqda euro-football.ru xabar beradi.
Andronovning ta’kidlashicha, «Bavariya» bu bahsda ustun kelishi kutilmoqda va hisob yirik ko‘rinish olishi ham mumkin — masalan, 5:1 yoki 5:2. Sharhlovchi tikish varianti sifatida «Bavariya» g‘alabasi va har ikki jamoa gol urishini tanlagan.
«Bavariya» — «Hoffenhaym» uchrashuvi 8-fevral, yakshanba kuni 21:30 da (Toshkent vaqti bilan) start oladi. O‘yin jarayonini matnli onlayn translyatsiya orqali kuzatish mumkin.
Bahs oldidan mezbonlar turnir jadvalida peshqadam bo‘lib turibdi, mehmonlar esa uchinchi o‘rinda bormoqda.
