Fenerbahche yetakchisi Anderson Taliskaga yangi shartnoma berdi

Fenerbahche hujumkor yarim himoyachisi Anderson Taliska bilan shartnomani uzaytirganini rasman ma'lum qildi. Bu haqdagi xabar klubning rasmiy manbasida e'lon qilindi. Bu haqda euro-football.ru xabar beradi.

Yangi kelishuvga ko'ra, braziliyalik futbolchi 2028 yil yozigacha Istanbul jamoasi safida to'p suradi.

Taliska Turkiyada 2025 yil yanvaridan buyon o'ynamoqda. Joriy mavsumda u barcha turnirlarda 33 uchrashuvda maydonga tushib, 19 gol urdi va 4 ta assist qayd etdi.

Turkiya chempionatining 20 turidan so'ng Fenerbahche turnir jadvalida ikkinchi o'rinda bormoqda va yetakchi Galatasaraydan 6 ochko ortda qolgan. 10 fevral, dushanba kuni Istanbul klubi Genchlerbirligi bilan bahs olib boradi.