Ronaldu o'ynmagan o'yinda Al-Nasr g'alabasiga munosabat bildirdi

Krishtianu Ronaldu bosh murabbiy bilan kelishuvga ko'ra OFK Chempionlar ligasi 2 guruh bosqichi uchrashuvlarida maydonga tushmayapti. Shunga qaramay, saudiyaliklar yetakchisiz ham ishonchli natija ko'rsatmoqda. Bu haqda euro-football.ru xabar beradi.

Chorshanba kuni Al-Nasr guruhdagi beshinchi o'yinida ham g'alaba qozondi: Tojikistonda "Istiqlol" 4:0 hisobida yirik mag'lub etildi. Natijada jamoa guruhni birinchi o'rinda yakunlab, keyingi bosqich yo'llanmasini rasmiylashtirdi.

Uchrashuvdan so'ng Ronaldu ijtimoiy tarmoqlarda Al-Nasrning pley-offga birinchi o'rindan chiqqani haqidagi xabarni repost qildi va unga ikki emodzi — olov hamda qarsakni qo'shdi.

40 yoshli Ronaldu Al-Nasr bilan amaldagi shartnomaga ega, kelishuv 2027 yil o'rtalarigacha mo'ljallangan.

Shuningdek, internetda Ronaldu va Tojikiston haqidagi soxta xabar ham muhokama qilinmoqda.